40 سؤال محرجات اذا ماعليكم شي جاوبوا!!
1- هل انت تفعل ماتقوله هنا فى المنتدى ؟
أكيد لأني مش مجبورة أكتب أي شي أنا ما بعمله
2 اعتذار تريد ان تقدمه لمن ؟
لكل من أسئت إله بس مش بطريقة أسفة بل بالأفعال لأني ما بصدق اللي بتأسفوا و هما من جواهم مش ندمانين على غلطهم
3 ما ردت فعلك عندما يقول لك حبيبك ( احبك نعم اتزوجك لا) ؟
والله لهلأ ما حبيت بس بتخيل ساعتها بدي أدعس على قلبي و لازم أخليه من الماضي
4 ماذا ستكتب لنا لتعبر عن حياتك التى عشتها الى الان في كلمات قليلة ؟
بحياة كل إنسان في الأوقات الرائعةو في الأوقات الحزينة بس بشكل عام الحياة اللي عايشتها للآن منيحة بألف حمد و شكر لله
5 اذا اردت ان تبكى الان فعلى من تبكي ؟
على وفا الله يرحمه
6من ستختار ليمسح دمعك ؟
أمي لأنها أكتر إنسانة بالعالم بتعرفني و أحن قلب عليّ
7 لو خيروك بين حبيبك و صديقك فمن ستختار؟
زي ما قلتلك لهلأ ما حبيت... بس بتخيل سؤال صعب ... على الأغلب صديقتي إلا إذا كان حبيبي هو شريك حياتي ساعتها بختار حبيبي
8 ما هو تقييمك لهذا المنتدى بصراحة ؟
جيد جدا
9 من يسكن قلبك؟
أهلي و أقاربي "بس مش كلهم" و صديقاتي
10 هل تعتقد ان حظك سيئ؟
على قولة مثل خليجي كتير بآمن فيه "الحظ يمرض و لا يموت" بس الحمدلله لهلأ ممتاز بس بتمر أيام ما في حظ
11 هل تدخل الشات ؟
نعم...مين ما بفوت الشات؟!!
12 هل هزمك حزنك في يوم من الايام ؟
لا ...لأنه معظم المشاكل و الأحزان برميها ورا ظهري...عايشين عمرنا مرة وحدة فش داعي نقضيه بأحزان
13 ( مستحيل انساك ) لمن تقولها؟
لوفا الله يرحمه
14 (( اللى راح راح وما تفيد كلمة ياريت))اذا اردت توجيه هذه الكلمة لنفسك فمذا تقصد بها ؟
بالدراسة ...أيام الامتحانات
15 (( كنت كل شيئ بحياتى)) لمن تقولها؟
لا لأحد....حياتي لي و مش للأشخاص التانيين
16 متى اخر مرة بكيت؟ولماذا؟
ما بتذكر إيمتى بالزبط بس بتذكر ليش و هو في بنت بتحكيلي عن قصة وفاة أب لبنت عمرها 14 سنة و آخر السنين اللي عاشها بعذاب و مدى تأثر البنت بوفاة أبوها الله يرحمه
17 اي الدول تتمنى ان تزورها؟
اليابان بعديها سويسرا و إيطاليا
18 هل لديك الجراءة ان تقول عمرك امامنا؟
طبعا....عمري 20
19 هل انت راضى عن نفسك؟
بشكل عام نعم بس أكيد في كم من جهة لأ لأنه فش إنسان كامل
20 بماذا تقر وتعترف الان؟
ما عندي شي أعترف فيه... مش ببالي أي اعتراف بس يجي ببالي شي بجاوبه
21 غمض عينيك دقيقة لو سمحت ماذا خطر لك وانت مغمض عينيك؟
ههههه.....صرت أفكر شو يخطر على بالي....
22 هل تؤيد الزواج العاطفى او التقليدى؟ ولماذا؟
أكيد العاطفي لأنه بكون نسبة التمثيل فيه أقل فبتعرفي الإنسان على حقيقته أكتر
23 ايهما اهم الشهادة الجامعية او الزواج ممن تحب؟
الشهادة الجامعية أكيد لأنه من خلالها بقدر أشتغل الشغل اللي بدي إياه و بكون إلي كياني بالمجتمع أما شغلة الزواج ممن أحب يمكن هو ما بقبل يتزوج من بنت مش جامعية....هادا أصلا إزا فكرت بالزواج
24 هل ممكن تتحول الصداقة الى حب؟
أكيد ممكن
25 هل تعترف بشيئ اسمه الصداقة بين الرجل والمرأة؟
نعم أعترف
26 هل كنت في يوم من الايام السبب في تدمير حياة شخص سواء العملية او الاجتماعية او العاطفية ؟
لا و إن شاء الله ما أكون
27 هل انت مدمن تفكير؟
لا، وجع راس الإدمان على التفكير
28 من هو اكثر شخص تفكر فيه ؟
لا أحد، بفكر بالناس بس ما في حدا أكتر شي، التفكير بيجي بمواقف معينة
29 اذا تم تعيينك ملكا لجميع الدول العربية فما اول قرار تتخده ؟
بلا ما نحلم.... بس أكيد أول قرار بتخده هو إيجاد الظروف الملائمة للفقراء و تأمين احتياجاتهم
ما راح أقول الوحدة العربية لأنه لهلأ شايفتها كلها أحلام بأحلام
30 هل تكره شخص بشدة في حياتك ؟
بكره 3 أشخاص بس مش بشدة قوية
31 ما هو اقتراحك الذي تتمنى ان يحدث فى هذا المنتدى ولم يحدث الى الان ؟
التنظيم و إعطاء الأولويات لأصحابها
32 هل ملابس الشخص الذي امامك تؤثر فيك لتأخذ عنه انطباع ؟
طبيعي...بس الزوء باللبس مش كافي وحده
33 ما الذي يلفت انتباهك في الشخص لكى تعجب به ؟
الاهتمام بالمنظر و أسلوب الحديث
34 اذا احببت شخص فى الوقت الخطأ وفي المكان الخطأ فماذا تفعل ؟
بتروى شوي و بفكر هل هو إعجاب أم حب .... لأنه ما بعتقد في حب بالوقت الخطأ لأنه بمتل هيك أوقات بكون التعامل اللي أثر فمعظم الناس بتفكره حب و بكتشفوا بالآخر إنه العواطف اللي اشتغلت
35 حكمة تؤمن بها جدا ؟
يوم لك و يوم عليك
36 عادة تفعلها دائما وتتمنى ان تتركها ؟
التأجيل
37 ما هو اجمل اسم لولد واجمل اسم لبنت ؟
أجمل اسم لولد هو سيف
و أجمل اسم لبنت هو جوان
38 ماذا تفعل اول شيئ اذا ربحت ملايينا او مليون عشان ما نكون طماعين ؟
بفكر بشي مشروع أستثمر فيه المصاري بس أكيد مش كلهم لأنه من الطبيعي بدي أحط احتمالية للفشل
39 هل انت ممن لديهم حب التملك ؟واذا تملك شيئ اصابك منه الملل بسرعة؟
الإنسان بطبيعته طماع ...يعني أكيد بحب التملك بس ما بزهق منه بسرعة و إذا مر وقت و زهقته برجعله تاني لأني بحب أشيائي و كل شغلة إلها ذكريات
40 ما رأيك في هدا الموضوع بصراحة ؟
موضوع مميز و من خلاله بنقدر نتعرف على الأعضاء بس يضل في مصداقية بالأجوبة و أكيد الموضوع بتعب
يا ريت تكتبيلنا ردودك على الأسئلة اللي سألتيها لقيت روحي
