شو سر عقدة الأنجليزي....بدي أفهم ......
وتصديقا لحكي الأنسة فلا ..والأانسة سنو....
ومن شان تصدقوا المتل اللي بقول اللي بشوف مصيبة غيرو بتهون علييه مصيبتو .....
بدي احكيلكم عن معانتي مع أساتذة هالمادة ...وليش عاملتلي هالمعضلة.....
نبدا ...
اول سنة انجليزي الخامس.....
درسني أستاذ ماشي حالو ...بس زهقان وقرفان التدريس...وبعد ما درسني مباشرة تقاععد..
السادس::........
نفس الشي ...درسني أستاذ ...مو بس كبير...كمان كان معاه نوع من الشلل....ما يقدر يكتب عاللوح ..ويشرع طبيعي...وبردو قرفان التدريس ....خلص مني هالسنة وتقاعد
السابع...
درسنا واحد منيح بالمادة .....بس كان يخووف.....ضخم وأسمر....
التامن ........
.الفصل الأول....مششينا مع أستاذ....عادي...بس ما كتير كنا نرتاح بالحصة لأسباب فنية ...(اللي بعرف الأستاذ بعرفها)....وبالفصل التاني ....انكسرت أيد الأستاذ...ووقعنا بنفس مشكلة سنو...اربع بدلاء خلال شهر...ولا مشينا مادة ولا سخام ..
التاسع ..
.بعد اسبوعين او تلاتة من انتظار الأستاذ ...اجالنا واحد الله يكون بعوتو ..مسكين عباب الله ....ما كان عارف يمسك الصف بالمرة ...وشرحو سيء....وخلص منا وبعد سنتينن ...ما تقاعد ....حرام ....لسا ما وصل سن التقاعد .....بس أعطاكم عمرو ..الله يرحمو....
العاشر....
.الله يخللي ويحفظو استاذنا بالعاشر....احسن واحد...أذا في أشي منيح عندي بالأنجلش فهو من ورا
الأول ثانوي والتوجيهي...حكينا عنهم قبل هيك....بس اللي بدي اقولو ....انو الأستاذ ..خبرتو ....وشطارتو ماشاءلله حدث ولا حرج ...عشان هيك محتفظين فيي...وخلو يدرسنا رغم أنو فوق الستين ...وبردو قرفان التدريس....
ولهلأ بالجامعة ...مش مسترجي اطب بمواد الأنجليزي(101 و 102)....رغم انو وضعي هلأ ماشي حالو.....لأنو كل دراستنا بالأنجليزي..بس مش أكتر
