الى كل شريف و ضمير حي

صحيح يا جماعة
نسيت اسال كل واحد في برقبته دم لأبن شعبه و اخوه في النضال

بالله عليك امانة كيف بتنام الليل؟
و لما تشوف اولادك و هم بيهجموا عليك لما ترجع لهم عالبيت و هم فرحانين برجعتك شو موقفك لو سالوك يابابا شو عملت لنا اليوم ؟ امنت لنا مستقبلنا ؟ ولا شو ؟
او اقول لكم
و انت بتودع امك الصبحية بدري و بتقول لها ادعي لي و هي مسكينة بتدعي لك و مش عارفة انك قتلت شو موقفك منها لما تعرف انه اللي حملته 9 شهور و ربته و كبرته في برقبته دم لواحد من اولاد شعبه

طيب بلاش في الدنيا
ربنا اخد امانته و اجا يوم الحساب و سالك شو عملت في شبابك ؟ شو رح تقول له رح تقول له خدمت الحزب الفلاني او الحزب الفلاني
يا سيدي بلاش هاي
لما ربنا يقول يا فلان انت قتلت فلان باي حق شو رح ترد عليه هيك القائد امرنا
ولا شو رح يكون موقفك

في اصعب من لحظة وقوفك بين ايدين ربنا يوم الحساب
لا رح ينفعك ساعتها لا هنية و لا مشعل لا عباس و لا دحلان ولا امك و لا ابوك
شو عملت ؟ هي جزائك على عملك