هندسة حاسوب..ولا أي تي I.t
rose flower يمكن تحكي عني تفكيري محدود او نظرتي متشائمه... بس رح احكيلك وجهة نظري..
يا اختي العزيزه احنا هون بنابلس فرص الشغل كتير محدوده صح؟؟؟ الشركات كتير قلال صح؟؟ مجال البرمجه محدود بكم شركه غالبا بشغلو المتفوقين ( ومعهم حق اكيد) و في كتير متفوقين ما بلاقو شغل...... تعب و سهر و دراسه و نكد امتحانات... و بعدين على شان شووو؟؟!!! اغلب الشباب بطاله الف الحمدالله اللي احنا بنات...ما في ورانا و لا نفتح بيت و لا نحوّش لنتجوز... و لا هاي الاشياء...الجامعه عم بتخرّج اعداد هائله من المهندسين و المبرمجين.....هلأ طبعا منهم بشغل بهل بلد( و انا اكيده انو 99% منهم ما بستعمل جزء كبير من العلم اللي درسو بالجامعه) و منهم مين بسافر على الامارات و اميركا بعضهم بصير مليونير و بعضهم بعيش على الخبزه و البصله.....و منهم بكون مبسوط منهم لأ.... بس اولا و اخير الهجره للشباب مو النا.... الا اذا بظروف معيّنه بتشتغل البنت برّه.. و حلو اذا كان بظروف مناسبه....
هلأ بالنسبه لمين احسن... انا اعتقد هندسة الكمبيوتر بالجامعه عنا افضل و طلابها اكفأ .... هادا للي بدو يشتغل بمجال برمجه بحته........ الآيتي اظن طالب الآيتي بتعب اقل من طالب الهندسه ساعاتو اقل.. و مجهوده اتوقع اقل.... يعني انا بظروف هلبلد ان شاء الله لما اتخرج..ما كتير بتفرق معي اشتغل بالبرمجه لو اشتغلت سكرتيره برضى .. المهم اشوف جو الشغل ايش هو.... بس لو انا طالبة هندسه بلاقيها كبيره اشتغل سكرتيره( على سبيل المثال) مش لأنو السكرتيره مش شغله مرتبه بس بحكي لأنو ممكن بكم دوره اي وحده تشتغل هاي الشغله , فمهندسه تروح مشتغله سكرتيره!!! .... و مش لأنو طلاب الهندسه احسن من طلاب الآيتي,, ولا قيمتهم اكتر,,بس لأنو تعبهم و مجهودهم اكتر و في كتير منهم بركض ورا الاقاب يعني يمكن الاب دخّل بنتو هندسه عشان يحكو عنها مهندسه تروح تشتغل سكرتيره.....!!!!
