احزر المنطقة الموجود بالصورة .. لعبة حلوة
محل النش لأبو فؤاد حلاوة سنايبر
وعلى الجنب في عين مي اسمها عين الست وفي مقبرة لأعيان البلد القدماء وفي الجهة المقابلة في مصنع حلو كان من زمان سجن ومركز توقيف ومحكمة وفي بداخلها غرف وزنازين ولليوم في حلقة بالسقف كان يعلقوا فيها مشنقة .. على اليمين شوي بيجي محل حلويات ومنو لتحت في محل الدبعي وحلاق وفي الدخلة الي تحتها في محل حلويات الأقصى ...على الرصيف التاني في محل بيع دجاج وجنبو بالضبط واحد بيصلح بوابير وصوبات الكاز والغاز ولفوقو شوي في محل بيع كعك لهنود ومنو لتحت شوي في مكتبة الدبعي الي صاحبها ابو احمد الدبعي ولتحت شوي محل ايمن سبع العيش لبيع الأدوات المنزلية ولتحت منو في صبانة النابلسي والي بيشتغل عندو اسمو محفوظ ( الله يحفظكم ) من الجهة التانية منو جوا في محل فواز العنبتاوي ومحل ناصيف ومحل قزيح وفي الجهة المقابلة في محل حموضة للأدوات المنزلية ....بدك اكمل نضال ولا بيكفي؟؟؟
