من واقع حرصي ليس إلا اوجه لكم رسالتي

اول شي صباح الخير لكل المشرفين والأدارة
مشكور عبود على طرح الموضوع والي بيدل على مدى حرصك وغيرتك عالمنتدى
حيقيقة اخواني في اكتر من سبب لضعف الدخول للمنتدى بالفترة الأخيرة وانا هاد الشي حكيت فيه مع الأدمن وتوصلنا للسبب وهو انو الستايل الرئيسي الي كان موجود للمنتدى كان فيه مشكلة وما كان عم يفتح المنتدى على المتصفح 6 للويندوز وكلنا منعرف انو معظم متصفحي الأنترنت بيستعملوا متصفح 6 ...تاني شي مرينا بفترة امتحانات مدرسية وبعدين جامعية وكلنا منعرف انو كتير من اعضائنا وزورانا طلاب مدارس وجامعات وتالت شي الوضع السياسي الي مرينا يه أثر كتير على الأعضاء يعني انا عن نفسي مرت علي فترة ما قنت اقدر افتح النت كليا ولو دخلت عالمنتدى كنت ادخا زائر ب على اساس افقد المنتدى الي انا مشرف عليه واذا شفت شي لازمو تعديل او نقل كنت ادخل باسمي واعدل وما ننسا كمان انو احنا بالعطلة الصيفية وكتير اعضاء سواء بفلسطين او من الأعضاء الي معنا من برا فلسطين مسافرين
بالنسبة للمشرفين نحنا كأدارة بالهنا اكتر من مرة عينا مشرفين وطلبنا منهم متابعة منتدياتهم بس لا حياة لمن تنادي بيكون المشرف عالتسالي طول الوقت وبيكون المنتدى عندو بحاجة لترتيب وادارة وهاد الشي بيخلينا نعين غيرو او نحط معو مساعد عالمنتدى فبيزعل وبيهدد بالأنسحاب من المنتدى وبيتهم الأدارة بالتحييز والتمييز
وشغلة تانية بالنسبة للمراقب العام ...وهاد الشي اهم شي لما الأدارة بتقرر انها تعين مراقب عام فهي بتكون واثقة فيه كل الثقة ومعطيتوا الضوء الأخضر للتصرف ...بس للأسف عم نلاحظ انو معظم الأحتكاك الي عم يصير او المشاكل مع المراقب العام عم تكون مع المشرفين وبتوصل للأدارة رسائل بتشكي عن المراقب العام مع العلم انو لازم يكون المشرفين يد مساعدة ومساندة للمراقب العام بالمنتدى ومش ايد مهاجمة وتحجيم وتقزيم للمراقب العام وتخيلو لما الزائر او العضو العادي يشوف مشكلة بين المراقب العام والمشرف
واهم شي بالنسبة للمشرفين وهاد الشي غايب عنا بالمنتدى التنسيق بينهم ...فأنا ما بشوف اي تنسيق بين المشرفين بالنسبة لأدارة المنتدى وسبل توسيعة وذلك عن طريق طرح افكار جديدة لتطوير المنتدى وانتشاره وقليل بس الي بينهجوا متل هيك وبذكر على سبيل المثال احدى العضوات طلعت لسفر وطلبت من الأدارة بوسترات للمنتدى ووزعتهم بسوريا والأردن وبعرف كم عضو عنا بينسقوا رسائل على الأيميلات بيحطوا فيهم اسماء المواضيع المميزة بالمنتدى مع رابط الموضوع وبينشروهم لكل الايميلات الي عندهم وهاد الشي اكيد بيجذب كتير زوار للمنتدى
بتمنى تكون فكرتي وصلت ويا ريت المشرفين يتحملوني بالي قلتو ... والي رجعة كمان مرة عالموضوع