الرجل سبب شقاء البشريه
بدكم الصراحة؟؟
الرجل هاضم حق المرأة كتير... ما تزعلوا يا شباب... فكروا فيها... الواحد بكون قاعد في البيت و لا بعمل اي شي.. بتطلع على التلفزيون أو قاعد على الكمبيوتر... أخينا بقوم بطلب من أخته أو أمه تعملوا فنجان قهوة أو كباية شاي... بلاش.. الشاب بلبس اللي على الحبل و بنزل من البيت و برجع و برمي الأواعي اللي خلاهم زي الزفت ... هوما بفكر كيف برجعوا نظاف... هو بس بلبسهم.. و إتعبي يا إمه وإخته يا مرته... مش بس هيك في كتير... الشباب (الذكور) عنا مدلعين ... و الله بحكي عن جد ..فكروا فيها... شو صار يعني لو قام الشب غسل أواعيه... شو بصير لو قام عمل فنجان قهوة لأخته, مرته, أو إمه... شو بصير لو وقف على المجلى نص ساعة زمان... بقلل هادا من قيمته كرجل؟ لأ بالعكس بزيد إحترامه لحاله.. لأنه هيك بورجي إحترامه لإمه.. مرته .. أخته... .. و بعدين خليني ادخل في موضوع الجنه و مين خرج مين منها... يا عمي لو ما خرجوا من الجنة ما كنا قاعدين هون بنكتب و بنتناقش... يعني كان أحسن لوبقيوا في الجنه...بعدين لو بقيوا هناك ... ما صارت في دنيا .. يعني ما صار في بشر .يعني ما صارت فيه حروب ...يعني ما أحتلت فلسطين... يعني ما كان في حزب الله و نصرالله...:d
يا جماعة المساواة بين الرجل و المرأة هي قضية تفاهم مش قضية صراع... يعني في العربي في كلمات مؤنث و في كلمات مذكر.. طيب في لغات تانية ما في مؤنث و مذكر... بس الصراع موجود...
أسف يا شباب على طول السيرة.
