يا عذاب..ارحم خفوقي..يا عذاب
الفرح.. ديرة..وهو عنها..غريب
اهلكه فوق السفر...حطّ الركاب
في فيافي حزني..والجرح العطيب
الذهاب هنااااك يسمع با الإياااب
والطعون تمون.. لو دايم تصيب
الليالي موحشة... والظنّ.. خاب
والقمر وجهه.. من احزاني كئيب
جارت الذكرى ونسّتني الدواب
وكلّ من حولي.. مع العقل النجيب
والألم....ساقه.. أمل... كنّه سراب
أتبِعه... ويضيق بي الكون الرحيب
إلـ متى لعذره اكَّسِّر كلّ باااااب
إلــ متى اسأل وصاله..وما يجيب
الحبيب.... الّي فديته با الصحاب
عافني من دون صاحب أو حبيب
قسمتي اعيش ذكراه..... اغتراب
بين صبري.. وبين علّة ما تطيب
يا الدموع الزرق....كافيك انسياب
أحرق الخدّين..... نارك و اللهيب
وفّري يا عين دمعي .... للصعاب
ماعمر...ميّت..حيا..عقب..النحيب
مرخص...وقاتل هوانا...باالغياب
لو يبيني ...عاد.. ما طال المغيب
باعني.. وبعته..بلا أدنى إرتياب
مو أنا الّي يشتري.."بايع قريب"
ماهي لحية كلمتينه.... والعتاب
صامل..ياقلب خلّك.. دوم ذيب
بحتمل وارجي..من.. الله.. الثواب
وانسى أحلامي مع الوقت الصعيب
.
.
كم حلمت انّي على هام السحاب
إيــدي فِـ يده.....ما يفرّقنا نصيب
كم توّقعته عشيري....با الشباب
لو يشيب العمر..حُبّه...ما يشيب
.
.
البلا ما هو بــ قلب...فيه...ذاااااب
الهوى... لا كان طاهر... ما يعيب
البلا جوره اتضّح لي..جور داب
سمّه يقتلني...و سمّه لي طبيب!!
تقبلو أحترامي لكم
ابو السيم
