من زمان وأنا كنت صغير كنت احس أنو الأنجليزي اشي صعب.....كتيـــر
ولما كبرت شوي وصرت بالصف الخامس.....وبدينا ناخد هاي المادة .....لهلأ وهي عاملتلي عقدة
يعني والحمدلله كنت افهم كل شي ناخدو بكل المواد الصعب والسهل....ألا الشي اللي اسمو انجليزي
يمكن انا كنت مقصر بحق هاي المادة شوي....بس بعتقد كمان في أشي غلط بأسلوب تدريس هاي المادة عنا بالمدارس.....يعني ليـه لازم الطالب مننا ياخد معهد من شان يتقوى بالأنجليزي....ومنذ الصغر كمان
أنا كنت مفكر الحق عللي ....وأنو هاي مشكلتي بس ....لكن بعد التقصي....أكتشفت انو الأغلب بعاني من هاي المادة
وعنا بالعيلة .....((يمكن بالوراثة )) كلنا مو شاطريين بالأنجلش..
ملاحظة : انا كنت اجيب علامات منيحة فيها بس من غير ما افهمها .....ما بعرف كيف...
حابب كل واحد مننا ...يحكيلنا عن وضعو وتجربتو بالأنجليزي....وكيف شايف حالو فيها .....وشو رأيو بأسلوب التدريس المتبع فيها هون........(اكيد في نوع من الفشل )....كيف ممكن نعالجو ....والحق عمين ....علينا ولا عالتربية ...ولا عالاساتذة ...ولا عالمادة .....
يلا شباب .وصبايا.بدنا تفاعل .