شو سر عقدة الأنجليزي....بدي أفهم ......

يا حرااااااااان انا عمري 15 و بحكي انجليزي احسن من العربي من لما كنت 13
و بحياتي ما رحت على معهد انجليزي(اجتني فرصة اشوف حال)
الظاهر زي ما انت بتحكي وراثة لانو فعلا انا من الناس اللي بحبو اللغات و معظم صحابي بكرهو الانجليزي كره العما
انا ككمان عندي عقدة اسنها رياضيات بكرها من لما ولدت
بس بحب الهندسة
الله يعينك الانجليزي اهم شي هلا

انا اشطر شي طول عمري بالانجليزي والفرنسي
دائما كنت اجيب فيهم اعلى شي ممكن لأني بحب اللغات كتييييييييير
انا بشوف انه هدا برجع لطبيعة الشخص نفسه لأنه ازا كان هو بحب الشي اللي بدرسه اكيد رح يبدع في لانه امتحانات مستوى الفرنسي بحياتي ما درستها ودائما كنت الاولى فيها والانجليزي ما بدرسه كتير بس بجيب في عالي كتير

واكيد في دخل لمدرس الماده لأإنه في مواد خصوصا بالجامعه ما بحبها بالمره ولا بجيب فيها عالي بسبب مدرسيها بس بعين الله
والله يوفق الجميع
مشكوور فراس

انا برأيي انو كتير شغلات بتلعب دور بهاد الشي
يعني الشخص نفسه وهاد بالمقام الاول برضو البيئة المحيطة فيه يعني أهله متلا والمدرسة وكيف الأساتذة كيف علّموه الانجليزي لانو كتير اساتذة بخوا حصة الانجليزي عربي
يعني انا معهم انو لازم يراعوا مستوى الطلبة بس لما ما يحكي انجليزي ويضل يترجملهم كلمة كلمة وحرف حرف خاصة بالصفوف العليا ( فاهم قصدي يا فراس عن مين بحكي ) هيك بضيّع لغتهم وما بخليهم يستفيدوا منها كلغة
بس بضل اهم شي الشخص نفسه لانو هو بقدر يطور لغته لحالو
بقدر احكي عن نفسي انو الحمد لله لغتي الانجليزية جيدة
وانا طورت لغتي من خلال الأفلام والأغاني والبرامج الانجليزية
يعني بحاول احضر أفلام بدون ترجمة وحتى لو كانت مع ترجمة بحاول اسمع وافهم كل شي بحكوه مش انه بس أقرأ الترجمة
برضو في البرامج اللي بحطوها على Mbc4 خاصة نشرات الأخبار اللي بحطوها الصبح
وبرضو دراستي بالجامعة خاصة انو كل المواد بالانجليزي
يعني كل هاي الشغلات بتقوي اللغة وبتكسب الواحد مفردات جديدة

مشكوووور فراس على طرح الموضوع

انا والله كنت احبها الانجليزي بصف خامس وسادس وسابع وثامن وتاسع وكانو بالمدرسة يقولو عني مترجم انجليزي لانه بموت بحفظ هاي المفردات والمعاني وكنت من عشاق الانجليزي ..... بس لما دخلت عاشر صار شي اسمه انجليزي اكرهه كره العمى ما اطيق اسمع لا انجليزي ولا شي لانه لما تروح المعلمة ويجيبو بديلة بجيبو اي شي ومين ما كان يعني مثلا احنا معلمة الانجليزي ماخدة اجازة طوول السنة الدراسية جابو بالفصل الاول معلمة كانت بتفهم وبتشرح وما في متلها بس ما كنت بتقدر تضبط الصف بالمرة ومين بتروح عليه البنات الي جايات يدرسو وبعدين راحت المعلمة بس اسبوعين داومت ونقلوها ... وبعدين جابو معلمة بالفصل ضلت معنا طول الفصل الاول القواعد بتقراها قرات بتقلنا حلو التمارين بعدين بفهمكم ياه كيف صارت هذا بالحياة كلها وبتقلنا هذا اخدتو بسابع وهذا بثامن يعني ما في داعي اعيد شرحه طيب اذا هيك ليش حطو بالمنهاج هذا ولا بس زناخة والله العظيم انا انجلطت منها وسجلت بمعهد مشان افهم الانجليزي وقواعده مزبوط وبعدين راحت المعلمة ببداية الفصل التاني وجابو معلمة تانية شوفو كم معلمة اجت انجليزي وهاي نفس اسلوب الي قبلها يعني لولا المعهد كان على شي فاضي ولو اجتهادي انا ........وكمان المصيبة لما كنا نسال معلمة عن كلمة تعطينا معناها بالانجليزي يصير وشها احمر وتقلنا من وين بتجيبو هاي الكلمات شو هذا لازم يكون عندهم مخزون مفردات ولا ما بصير يصيرو معلمات
يعني هلأ حالينا صار عقدتي الانجليزي لما كبرت وصرت اكرهه من هاي السنة بس
يعطيك الف عافية فراس

انا بحب الانجليزي كتير بس هادا الفصل ما بعرف ليش صرت اكرهه
بس هو اجمالا حلو وممتع
والله يوفقكم
......