سوال لهالي مدينة نابلس؟؟؟ | الصفحة 2

أنا آخر مرة خرجت من نابلس كانت قبل 3 سنين تقريبا..

سافرت على عمان ,,وكتيييييييير انبسطت هناك

وكمان قبل 7 سنين سافرت على عكا ويافا والبحر الأبيض المتوسط..وكانت رحلة روووعة كتييير..

بس الله يفرجها علينا وترجع الأيام الحلوة مرة تانية,,قولوا ياااااااارب....

مشكوووور اخي المجروح على السؤال الحلو

انا اخر مره خرجت قبل اسبوعين على اريحا مع ابن عمي saro5

انا ما بلائي احلا واعز من نابلس
ابسط مكان لو تروح على رام الله مثلا لابد انك تمر على حاجز وتتنكد من شوفت اليهود والحواجز ومدى التعتسه والائهر والاهانه فبسير الواحد يكره كل السفر من اجل الحواجز فبفضل يضل ببيتو بكرامتو احسن
شكرا الك على السؤال الحلو
دكتوره

شكرا لتفاعلكم
والله يهد الي كان السبب

وعن جد الواحد لازم يضل متمسك في وطنو لو شو ما صار وان شاء الله بتفرج وبنروح على القدس وحيفا ويافا وعكا وطبريا ما بنخلي محل حلو الا بنروحو ما في احلا من فلسطين والقدس ونابلس

آخر مرة طلعت من نابلس كانت بال2001 لما طلعت عجنين لزيارة أقارب إلي هناك.. وحرمت أعيدها..

ليش!! لإني ما طقت حالي وأنا واقفة عالحاجز... شو هالذل هاد!!!

إن شاء الله بطلع منها ليوم بيكونوا الحواجز فيه راحوا بدون رجعة.. وإلا خليني في نابلس الحبيبة بكرامتي لحد ما الله يفرجها...

شكراً يا مجروح على المشاركة الحلوة..

شكرا سهر اليالي على الرد
و ان شاء الله بتتحرر فلسطين وبنروح على العالم كلو

وانا من قبل الانتفاضه ماخرجت من نابلس
ولا قطعت حاجز..............................7سنوات...........................

rolo
ان شاء الله كلنا بنخرج وفلسطين محررة

انا ولا مره خرجت من نابلس

انا والله بالعطلة الصيفية الي مرقت رحت على بيت لحم والقدس اسبوع كان من اروع الاسابيع
ورحت على الاردن
يعني انا كل عطلة صيفية لازم اطلع بروح على الاردن وداخل فلسطين
اما هاي العطلة رح تكون غير شكل على الاردن وسوريا وبيت لحم واريحا والقدس ومناطق كتير و 50% على دبي يا رب
مشكور عالموضوع الحلو

والله يا شباب في كتير بلاد حلوه بس مهما تلف وتدور في بلاد العالم في حنين بشد الانسان لبلده حتى لو كانت بلده مثل بلادنا بظل احتلال وحصار بس والله كل ما اسافر ما بصدق وانا ارجع على نابلس لانها جزء من حياتي سبحان الله مثل الطير بلف الدنيا وفي الاخر برجع على عشه

يسلمو المجروح على مشاركتك الحلوه
انا من اقل من شهر طلعت شي 5 ايام على عمان وسوريا
انا كنت ايام المدره اسافر كل عطله صيفيه لكن على الجامعه وبعد الجامعه كل مافي عندي اجازه كنت اطلع يعني مرات بالسنه مرتين او 3 بس مابحب اطول اكتر من 10 ايام لاني بشتاق لنابلس كتير لانه مهما شفنا اماكن حلوه ومهما انبسطنا ومهما كان وضعنا داخل نابلس بنضل نحب نابلس ومانقدر نعيش بعيد عنها لانه مافي بالدنيا كلها متل نابلس