صور من سوريا

وهلا صور من منطقة الميدان حلو وكبير وكمان مزين عشان المولد النبوي








وهاي الصوره جزء من شارع الحمرا بس الصوره يوم الجمعه صورتها عشان هيك المحلات مسكره لاني نسيت اصور الخميس

وهلا صور لمنطقه اسمها باب توما او ساحة باب توما وهاي المنطقه الوحيده اللي بتكون فاتحه يوم الجمعه والسبب انه كل المحلات فيها همه لمسيحيين بفتحوا يوم الجمعه وبكونوا مداومين عادي اما محلات المسلمين وقت صلاة الظهر بسكرو وبرجعوا بعد الصلاه وبباب توما كمان المدارس مابتعطل يوم الجمعه ولا السبت لانه متل مابنعرف انه سوريا متل الاردن الجمعه والسبت عطله لكن بباب توما مابعطلو الا الاحد
هاي المعلومات اللي بعرفها عنها وهلا بتركم مع الصور








وبالصوره التاليه لاحظو انه المحل مسكر لانه كان وقت الصلاه


وهاي صورة مجموعه من الطلاب كانوا مروحين من المدرسه وعم بتفرجوا على النهر بس مابعرف نهر شو وجافف كمان ولا كانه نهر

وهاي صورة الجامع اللي بباب توما واسمو جامع الثقفي

كمان بالنسبه للشعب السوري لاحظت انهم كتير بحبو الفلسطينيين من خلال تعاملهم بالاضافه الى انه بكل مكان في زينه او اعلام سوريا كان يكون ايضا في اعلام فلسطين حتى على المدارس وهذا الشي اللي عمري ماشفتو بالاردن ولامره ولا باي مكان



اما اهم شي هو انه مش معقول اوصل سوريا واصور هالصور هناك وما اكون عملت دعايه للهنا
اللي اعملتو اني اخدت معي بعض من بوسترات الهنا وكنت بكل مكان اقدر الصق بوستر كنت الصق واصور كمان
وهاي الصور لبوسترات الهنا بسوريا
وهاي الصوره على باب الغرفه بالشقه اللي كنت فيها


بسياره داخل سوريا


بالسياره من سوريا للاردن

وعلى فكره الطريق حلوه وسهله بين الاردن وسوريا يعني ساعتين ونص كنا داخل سوريا يعني متل عنا واحنا طالعين ضلينا ساعتين بحواره هههههههه
بتمنى يكونوا نالوا اعجابكم

ال ينالو اعجابنا
اكيد عجبونا وعجبونا وكمان عجبونا
بجد فيها شبه من نابلس وخاصة سوق الحميدية
وكمان انا شايف في عندهم بطيخ ... لو جبتيلنا بطيخة معك للمنتدى ههههههههههه
وكمان بدي اقول عم يدخل عنا ضيوف واعضاء من سوريا
كل الشكر نابلس-ار عالصور الروعة

ونسيت اقول انو العلم الي جنب علم سوريا هو علم حزب البعث السوري وهما اتخذو من علم فلسطين علم لحزب البعث

عن جد صور كتير حلوة
شكرا نابلس_ر على الصور

والله بجد صور شي روعه بدسي أنزل على سوريا انا أنزل على عند أهلنا النا عيله سشاكنه با الصالحيه وولاد عمي بدرسو بسوريا طبعا بدي
أنزل خلص
والله الله يعطيكي الف الف الف عافيه يارب
ودمتي بكل ود وخير للهنا

وااااااااااااااااااااااااااااااااااااو
يا عيني انا يمكن 50% انزل بالصيف على سوريا يا رب
مشكورة حبيبتي صور ولا اروع من هيك دمتي بالف خير

مروركم هو الاروع والله
احمد مشكور على مرورك يعني هلا ماقصدهم بالعلم انه العلم الفلسطيني؟؟؟ انا كنت افكر العلم الفلسطيني لانه مش مغير عليه شي
اما بالنسبه للبطيخ جبت بطيخ مش بطيخه ولكل عضو وحده بس بما انك فتحت السيره راح احكيلهم انه انت صادرتهم واخدتهم واكلتهم كلهم بلمح البصر
مشكور اخي المجروح على مرورك الكريم
ماتريكس وسنو وايت مروركم احلى وبتمنالكم تزوروا سوريا بس لازم تعرفوا انه الجوازات الفلسطينيه او الاردنيه المؤقته (الكرت الاخضر) غير مسموحلهم يدخلوا الاراضي السوريه الا عن طريق عمل فيزا وانا دخلتها لانه معي اردني واقامه اردنيه ورقم وطني

يسلمو نابلس_ر كتير حلوين...
بس احنا سوريا و لبنان ما بطلعلنا ندخلهم...
من اربع سنين حاولنا نطلع من عمان على لبنان ب 60 طريقه و عل فاضي!!ما قبلو....

"كمان بالنسبه للشعب السوري لاحظت انهم كتير بحبو الفلسطينيين من خلال تعاملهم بالاضافه الى انه بكل مكان في زينه او اعلام سوريا كان يكون ايضا في اعلام فلسطين حتى على المدارس وهذا الشي اللي عمري ماشفتو بالاردن ولامره ولا باي مكان"

انا كمان بلاقي الاردنيين ما بحبونا....ببين من تعامل الشرطه الاردنيه مع الفلسطينيين على الجسر...مع انو يصحلهم يكونو زينا....
مشكوره نابلس_ر...صور كتير حلوه...يعطيك العافيه....

والله الصور حلوه
والتعليقات احلى واحلى
ربنا يخليك نابلس ر
فتحتي نفسنا على زيارتها
النا اهل هناك
ان شاء الله بنزورها