**/الامثال الشعبية القلسطينية**/@:-

( امثال فلسطينية ):-
إبعد عن الشر و غنيله
أكثر من الهم ع القلب
إن كبر إبنك خاويه

إجا مين يعرفك يا بلوط
إجو ليحدوا الخيل مد الفار رجله
إضحك بعبك
إطعم التم تستحي العين
أهل الميت صبروا والمعزيات كفروا
أوعد اليهودي بالكفن بيموت
آخر العنقود سكر معقود
إبنه على كتفه و بيفتش عليه
بتقول له ثور بقول احلبوه
بدل الرز و الباذنجان إكسي حالك يا عريان
بده عرس يرقص فيه
بزمان الخير ما غنينا يا ليل
بطيختين بإيد مابينحملوش
بعد ما شاب ودوه ع الكتاب
بيتعلم البيطرة بحمير النوَر
بيحرق حارة ليولع سيجارة
بيركض بيركض والعشا خبيزة
بيقتل القتيل وبيمشي بجنازته
بيموت الزمار و اصبعه بيلعب
تاجرنا بالكفان بطلت الناس تموت
التكرار بيعلم الحمار
تلاتة مابينطاقوا : الطق والنق والبق
جبنا الأقرع ليونسنا كشف طقيته و خوفنا
حاميها حراميها
حايص متل جاجة بدها تبيض
حط راسك بين الروس و قول يا قطاع الروس
خليها بالقلب تجرح و لا بين الناس تفضح
الدار دار أبونا و اجوا الغرب يطحونا
الدنيا ما بتخلي الراكب راكب ولا الماشي ماشي
راح العيد وفرحاته واجا المعلم وقتلاته
الرجال مش شكلة لتحطيه ع راسك
رجعت حليمة لعادتها القديمة
رخيِّص وكويِّس وإبن ناس
الرقاصة الغشيمه بتحجج بقشة الحصيرة
ركبناه ورانا مد ايده ع الخرج
رافق المسعد تسعد
رزق الهبل ع المجانين
ركوب و ركبتك و كمان تهز رجليك
زاد الطين بلة
زبال و شاكل له ورده
زرعنا اللوز طلع بقدونس
الزمار بيعرف دار الطبال
زمن غريب بيخلي القطة تشخر للديب
زوّج الفقيرة للفقير بيكتروا الشحّاتين
زي أباريق الجامع كل واحد شكل
زي الفراشة بتحوم حول السراج تاتنحرق
ساعه لقلبك و ساعه لربك
ساير العيار لباب الدار
شافت الخنفسه بنتها ع الحيط قالت الها: يسلملي بياضك ع سواد الحيط
شحاد و مشارط
شم ولاتذوق
شَمّام هوا وقطّاف ورد
الشهر اللي ما إلكش معاش فيه ليش تعد أيامه
شو أحلى من العسل قال الخل ببلاش
شو فهم الحمير بأكل الزنجبيل
شو هيّة لحسة حلاوة؟
شو دخّلك بيت عدوك ؟ قال حبيب قلبي جواته
صارت عظامه مكاحل و مصارينه حبال
الصباح رباح
صباحه بيقطع الرزق
صوته ملعلع للسما
ضربني و بكى و سبقني و إشتكى
طبني طبتك العافيه
طلع تحت لساني شعر
الطمع ضر ما نفع
طنجرة و لقت غطاها
عاشر المصلي بتصلي و عاشر المغني بتغني
العز للرز و البرغل شنق حاله
عصفور باليد و لا عشرة ع الشجرة
عقله براسه بيعرف خلاصه
علمناه الشحادة سبقنا ع البواب
على بخت الحزينه سكرت المدينة
على عينك يا تاجر
عليه مناخير زي كوز الصبر
عمر الشقي بقي
عمر مديون ما انشنق
عملوك مسحر خلص رمضان
العنزه الجربا ما بتشرب إلا من راس العين
عيش يا كديش ليطلع الحشيش
العين بصيرة و اليد قصيرة
غاب القط العب يا فار
غالي و الطلب رخيص
الغنى بالغربه وطن و الفقر بالوطن غربه
فخار بيكسر بعضه
قاطع شرش الحيا
قال الله يلعن اللي بيحكي على الناس قال له يلعن اللي بيخلي الناس تحكي عليه
قال شو صبرك ع المر قال اللي أمر منه
قالوا للجمل زمر قال لا شفه مضبوطه و لا أصابع مفروقه
قالوا للجمل شو كارك قال بحيك حرير
قالوا للحرامي إحلف قال قرب الفرج
القرد بعين أمه غزال
قرد موالف و لا غزال مخالف
الكبير اللي بيتدلع متل الباب المخلع
كل ديك ع مزبلته بصيح
كل فوله مسوسه و إلها كيال و كل كديشه و إلها خيال