تحياتي للجميع
انتهت الجولة الخامسة من مسابقة اجمل اغنية و اللي كان موضوعها عن اغاني باللهجة اللبنانية
الاغاني كتير حلوة و انا عن جد كتير احترت مين اختار بال top 2 و مين اختار نومينيز...
طبعا بكل اسف انسحبوا سبايدر و احمد من المسابقة و كنت بتمنى انهم يكملو معنا بس مش مشكله خيرها بغيرها
هلأ نيجي للنتيجة:
احنا الجولة الماضيه لغينا ال top 2 و السبب هو التلاعب اللي صار بالنتيجة
هالجولة راح تكون اخر جولة فيها top2
المركز التاني في هالجولة كان من نصيب::
فراس
باغنية: اديش كان في ناس للفنانة فيروز
و المركز الاول في هالجولة كان من نصيب:
رفيق
باغنية: كيفك انت للفنانة فيروز
مبروك رفيق لانك راح تكون اخر عضو بتمتع بالحصانه للجولة الجاي في هالمسابقة
هلأ نيجي للنومينيز
بقي معانا 3 متسابقين و هما:
1- سنووايت
2- عاشق الاحزان
3- ميدو المشاكس
2 منكم في خطر و واحد بامان
اول نوميني معانا هي سنووايت و السبب انه حاطه كوكتيل اغاني مع انه المطلوب هو اغنية واحدة
ببقى معانا ميدو المشاكس و عاشق الاحزان
انتو التنين كنتو نومينيز الجولة الماضيه اللي لغيناها... واحد منكم راح يرجع نوميني و التاني راح يواجه رفيق و فراس و الفايز بالتصويت
تاني نوميني لهالجولة هو:
عاشق الاحزان و السبب هو انه اغنية ميدو المشاكس اقوى من اغنيته
مدة التصويت 24 ساعة
ملاحظات:
1- اي عضو عدد مشاركاته تحت ال 50 و بنفس الوقت عمره بالمنتدى اقل من 4شهور "اذا توافروا الشرطين مع بعض" صوت.... يريح حاله لانه صوته ما راح ينحسب
2- اي عضو يسجل في المنتدى عشان يصوت بس... ببساطة راح تنشطب عضويته"هدا الحكي بالاتفاق مع الادارة"
بالتوفيق للنومينيز
باقي 3 جولات غير هالجولة و راح نكملهم الشهر الجاي ان شاء الله
يلا صوتوا للافضل
ينتهي التصويت في تمام الساعة 12 بالليل
