كيف تبطح المسؤول عَ الأرض و يشكرك..؟؟
**
جاي على بالك إتْفِشْ غِلّك بأي مسؤول ..؟؟ حاب تشوف المسؤول وهو يتبهدل شويّة على إيدك..؟؟ يعني بالمُختصر..نفسك ومُنى عينك تشوف المسؤول مبطوح عَ الأرض قُدّامك وإنت إللي بطحتو ..وبعدها يقوم ويشكرك وممكن يكافأك ..؟؟ طبعاً مش مصدقني ..عارف والله ..ويطلعْلَكْ ما تصدِّق ..لأنو لو أنا كمان واحد حكالي هيك ؛ رَحْ أقول له : روح انصرف بلا هَبَلْ..!! بس ..تعال نعمل هالتجربة مع بعض ..:-
أوّل إشي و قبل كل إشي ؛ حُط عينك عَ المسؤول إللي بدّك تبطحو عَ الأرض.. تأكد إنو المسؤول إللي تختاره ( حبتو مش قليلة ) عشان البطحة تطلع محرزة وإلها ضجّة وصيت..!! روح على سيارته ..بإيدك اليمين كيس زغير..وبإيدك الشمال كيس كبير شوية ..!! و دبِّرْلَكْ طريقة إتحط الكيس الزغير إللي في إيدك اليمين على الكرسي إللي بدّو يقعد عليه لما يسوق أو أي كرسي آخر يقعد عليه في السيارة إذا كان معه سواق خاص بسوق فيه..أرصد وين يقعد وحُط الكيس و خلّصني ..طبعاً السيارة لازم تكون واقفة بمكان يتجمع فيه الناس ؛ بِـنُصْ السوق مثلاً .. !!
الآن الكيس الزغير في المكان المطلوب ..صحْ ..؟؟ إنت ظلّكْ واقف لبعيد لحد ما ييجي المسؤول يفتح باب السيارة و يريد أن يقعد ..إنت تعال مثل الطير وافتح الكيس الكبير ..وعند الباب إللي طلع منو المسؤول ..عند الباب بالضبط ؛ كب كل اللي في الكيس الكبير وظلّك ماشي ..!!
المسؤول الآن رأى الكيس الصغير ..أمسكه ..قعد يعسعس فيه ..فتحه ..إيش شاف ..؟؟ شاف حيّة..بلاستك وإلاّ حقيقيّة مش مشكلة إنت بدّك تخليه ينصدم الصدمة الأولى ..صرخ المسؤول ..فتح الباب بسرعة البرق ..نزلت رجله على الأرض ..صح ..؟؟ لا مو صح ..نزلت رجله على إللي كبيتو من الكيس الكبير ..قشر المز طبعاً ..تزحلق المسؤول وهو يصرخ ..وقع عَ الأرض ..هو الآن مبطوح قدّام الناس ..الكل يضحك للمشهد ...!! تعال إنت إللي كنت واقف قريب منه ..ارفع المسؤول بعد الزحلقة والبطحة ..قل له : سلامتك يا بيك ..!! حاول إتْكَتْكِتْ عنه التراب إللي ( تمردغ ) به ..!! سيشكرك المسؤول حينها ..وسيحفظ شكلك ..ويجوز يحفظ اسمك ..وسيلبيلك أوّل طلب تطلبه منه ..رح يقولك : بس أطلب وما عليك ..!! إنت استغل الموقف وتشجّع واطلب إللي بنفسك وإللي محروم منو من زمان ..قل له : ما إلي إلاّ طلب واحد يا بيك ..!! رح يقولّك : طلبك ملبّى ..احكي بس ..!! قل له : طلبي إنك تستقيل وتريحنا من شوفة وجهك ..!! ساعتها سينسى الموقف إللي عملته معه..وسيشلح حزام بنطلونه ويظل يلحق بك ..إنت ظلّك ارمي قدّامه قشر موز لحد ما يلتعن سنسفيل البدلة إللي لابسها ..!!
وهيك يا صديقي المواطن تكون حققت إنجازاً كبيراً وتكون بطحت المسؤول عَ الأرض ..ورح يشكرك لأنك ساعدته على القيام من الأرض ..!!
من مدونة الكاتب الساخر كامل النصيرات
**
جاي على بالك إتْفِشْ غِلّك بأي مسؤول ..؟؟ حاب تشوف المسؤول وهو يتبهدل شويّة على إيدك..؟؟ يعني بالمُختصر..نفسك ومُنى عينك تشوف المسؤول مبطوح عَ الأرض قُدّامك وإنت إللي بطحتو ..وبعدها يقوم ويشكرك وممكن يكافأك ..؟؟ طبعاً مش مصدقني ..عارف والله ..ويطلعْلَكْ ما تصدِّق ..لأنو لو أنا كمان واحد حكالي هيك ؛ رَحْ أقول له : روح انصرف بلا هَبَلْ..!! بس ..تعال نعمل هالتجربة مع بعض ..:-
أوّل إشي و قبل كل إشي ؛ حُط عينك عَ المسؤول إللي بدّك تبطحو عَ الأرض.. تأكد إنو المسؤول إللي تختاره ( حبتو مش قليلة ) عشان البطحة تطلع محرزة وإلها ضجّة وصيت..!! روح على سيارته ..بإيدك اليمين كيس زغير..وبإيدك الشمال كيس كبير شوية ..!! و دبِّرْلَكْ طريقة إتحط الكيس الزغير إللي في إيدك اليمين على الكرسي إللي بدّو يقعد عليه لما يسوق أو أي كرسي آخر يقعد عليه في السيارة إذا كان معه سواق خاص بسوق فيه..أرصد وين يقعد وحُط الكيس و خلّصني ..طبعاً السيارة لازم تكون واقفة بمكان يتجمع فيه الناس ؛ بِـنُصْ السوق مثلاً .. !!
الآن الكيس الزغير في المكان المطلوب ..صحْ ..؟؟ إنت ظلّكْ واقف لبعيد لحد ما ييجي المسؤول يفتح باب السيارة و يريد أن يقعد ..إنت تعال مثل الطير وافتح الكيس الكبير ..وعند الباب إللي طلع منو المسؤول ..عند الباب بالضبط ؛ كب كل اللي في الكيس الكبير وظلّك ماشي ..!!
المسؤول الآن رأى الكيس الصغير ..أمسكه ..قعد يعسعس فيه ..فتحه ..إيش شاف ..؟؟ شاف حيّة..بلاستك وإلاّ حقيقيّة مش مشكلة إنت بدّك تخليه ينصدم الصدمة الأولى ..صرخ المسؤول ..فتح الباب بسرعة البرق ..نزلت رجله على الأرض ..صح ..؟؟ لا مو صح ..نزلت رجله على إللي كبيتو من الكيس الكبير ..قشر المز طبعاً ..تزحلق المسؤول وهو يصرخ ..وقع عَ الأرض ..هو الآن مبطوح قدّام الناس ..الكل يضحك للمشهد ...!! تعال إنت إللي كنت واقف قريب منه ..ارفع المسؤول بعد الزحلقة والبطحة ..قل له : سلامتك يا بيك ..!! حاول إتْكَتْكِتْ عنه التراب إللي ( تمردغ ) به ..!! سيشكرك المسؤول حينها ..وسيحفظ شكلك ..ويجوز يحفظ اسمك ..وسيلبيلك أوّل طلب تطلبه منه ..رح يقولك : بس أطلب وما عليك ..!! إنت استغل الموقف وتشجّع واطلب إللي بنفسك وإللي محروم منو من زمان ..قل له : ما إلي إلاّ طلب واحد يا بيك ..!! رح يقولّك : طلبك ملبّى ..احكي بس ..!! قل له : طلبي إنك تستقيل وتريحنا من شوفة وجهك ..!! ساعتها سينسى الموقف إللي عملته معه..وسيشلح حزام بنطلونه ويظل يلحق بك ..إنت ظلّك ارمي قدّامه قشر موز لحد ما يلتعن سنسفيل البدلة إللي لابسها ..!!
وهيك يا صديقي المواطن تكون حققت إنجازاً كبيراً وتكون بطحت المسؤول عَ الأرض ..ورح يشكرك لأنك ساعدته على القيام من الأرض ..!!
من مدونة الكاتب الساخر كامل النصيرات