اسمعوا حكي النسوان ما يخلص والله يستر عن شو يحكوا
ما شاء الله ما يحكوا غير عن فلان وعن علتان
بس مو كلهن نصهن
مون : مين هالبنت الي ماشية.. جويل : هاي بنت ام رزق.. بنت مؤدبة بس بقوله عنها مصاحبة ابن ام عزو.....
مون : ابن ام عزو مصاحب بنت ام رزق؟ عزاااا !!!
جويل : يييي وانت مش دارية.. مش بحبه بعض الهم 5 سنين..
مون : اه وسمعت انو ام رزق بدهاش ابن ام عزو..
جويل : والله مني عارفة يختي .. هو بتلاقي ام رزق احسن من ابن ام عزو...
مون : ييي ييي اسكتي وتخلنيش احكي.. خلي الناس بحالهم..
جويل : عزااااااااا شو في احكي.. احكي يا مون..
مون : مهو هاذ ابنها لام عزو داير ورا صبية ثانية بنت ام ثروت..
جويل : يي يي يي يعلينا وامه دارية بالموضوع؟
مون : امه بالمستشفى .. مش جلطها من خراريفه..
جويل : والله يختي يا مون , بنت ام ثروت هاي مشيها مش ولا بد...
مون : بعرف بعرف يا جويل... مش عارف ليش بخلفه وبرمه...
جويل : يا لطيف ومين هاي الي ماشية بالشارع؟
مون : يسعد يومها هاي بنت ام محمود ..
جويل : الامانة لله بنت مؤدبة ومحترمة بس ثمها اجكم..
مون : يعلينا.. ثمها اجكم.. وبقول مالها ام حسن ما وافقت ابنها حسن يخطبها.....
جويل : دشرك من حسن وسيرته هذا فاضي ومش لاقي حدا يؤدبه..
مون : ليش يا جويل مالو مقصوف هالعمر..
جويل : هاذ داير ورا بنتي الو سنتين واحنا مش موافقين عليه..
مون : اوعي يي اوعي يا خايسة... بنتك بتستاهل ثقلها ذهب..
جويل : بدك تقوليلي عن بنتي يا مون..
مون : والله يختي يا جويل ... لبنتي انا تقدمه بشهرين 45 عريس.. اشي دكتور واشي جراح واشي طبيب جراح لجورج وسوف.. واشي مهندس.. بس البنت لسا زغيرة سع ما قطعتش ال 28 ........
جويل : يييييي تقوليليش عن بنتك.. بنتك ملاك بنتك يا ريت تبقى وحدة مثل اخلاقها.. بنت ثقلها ذهب وماس ( وبينها وبين حالها بتقول ثقلها بصل مقشر)...
وصلتني على الايميل
