السلام عليكم ورحمة الله وبركاته
كثير نشوف هذي الأيام
ناس ..تتذمر
وناس.. ملت الحياة
وناس.. حزينه
وناس.. تتعذب
وناس.. مهمومه
وناس.. غير مرتاحه
...
..
.
وغيرها .. وغيرها .. من أنواع الناس الي قلوبهم مليانه ألم
ومن خلال موضوعي البسيط
نبي ننسى الحزن وننسى الألم وننسى الهموم
ونبتدي من جديد
ليش مانفكر نغير حياتنا شوي ونخليها للأفضل ؟؟
ليش ما نتفائل بدنيانا ؟؟
ليش ما نتذكر اللحظات والأيام الحلوه الي مرينا فيها ونخلي الجاي أحلى ؟؟
دايم اسمع من نفسي او من احد ثاني .. ان الحياة قصيره ..
ممله .. قاسيه .. وغيرها من الاوصاف السلبيه ..
صار من النادر اني اسمع احد يحمد الله على شي .. او يذكرني
بحلاة الحياة من تفاصيلها ..
صحيح ان الدنيا فانيه .. ولكن هذا مايعني اننا نكرهها ..
فقررت اليوم افتح هالنافذه عشان نذكر بعض بحلاوة الحياة ..
وأفضال ربي علينا .. _
كل اللي عليكم توقفون لو للحظه باليوم .. تتأملون حياتكم .. وتقولون لنا
تفصيل تحبونه !
وراح أبتدي آنا
بحياتي
احب أسمع كلمه حلوه من الأشخاص الي احبهم
احس انه هالشي يكفيني
احب وقت المطر
سبحان الله لما تتأمله تحس بعظمة خالقنا
احب الوقت الي نقعد فيه نسولف انا امي بروحنا او نطلع مع بعض
احس انها مثل رفيجتي تشاركني بكل شي
استانس
احب الأيام الي نجتمع فيها كلنا مع اهلنا
تحس بجو عائلي
وغيرها من الأشياء ...
يالله الدور عليكم تقولون لنا الأشياء الحلوه بحياتكم وكل شي يخليكم تفرحون
والي عنده أي صوره حلوه أو بيت شعر أو أي شغله تجدد التفاؤل وتبعد الحزن وتفرح قلب الواحد يحطها
اتمنى الفكره عجبتكم
