يالليل ماذكـر فـي حياتـي تمنيـت
مثل ابتسامه تنتشـل قلـب منصـاب
مثل ابتسامه تنتشـل قلـب منصـاب
مليـت ورب البيـت يالليـل مليـت
من الجروح اللى تجيني بـلا اسبـاب
تدري يالليل اني على الجرح غنيـت
غنيت دمعه والصدى ضـم الاهـداب
تبي الحقيقـه والصراحـه ترجيـت
فرحه ولكـن الزمـن بالعطـا خـاب
يالليل قلـي بدنيتـي ويـش سويـت
حتى الهموم بداخلـي تفتـح ابـواب
إن كان طيبي عيب ومشكلتي اوفيت
اموت صادق وارفض اعيـش كـذاب
طبعي كذا عـن ميزتـي ماتخليـت
عندي مبادي دونها ترخـص ارقـاب
بينـي وبينـك ياكـثـر ماتعنـيـت
اركض بغرفـه مغلقـه مالهـا بـاب
غرفه وراها فرحتي دونهـا جيـت
اركانهـا عتمـه ولا حولـي احبـاب
كاس الفراق المـر منـه تقهويـت
انا اشهد إن الشـوق يالليـل غـلاب
يالليل انـا لاشفـت ماعفـت قفيـت
اقفي ولو خلفي كثيريـن الاصحـاب
الا جروحي كل مارحـت وقفيـت
جتني تحمـل صدتـي لـوم وعتـاب
ماذكر ولـو مـره بحياتـي تهنيـت
اضحك كذا والصدق عن شفتي غـاب
صارت دموعي ضيف وعيوني البيت
ودايم تشوف مـن المناديـل ترحـاب
اشرب من الدخان لاجيـت باكيـت
احرق زقاير والسهر يحرق اعصـاب
لاشفت شمس الصبح ليديـك حنيـت
في داخلك حبـر القلـم بالشقـى ذاب
اسريك بالحالي واذا رحـت ونيـت
مابي تروح ودمعتـي بيـن الاهـداب
أكتب شعوري في ظلامك على ايت
ونورك ختم قصة عذابـي علـى اب
يالليـل قـل لصبـح انـي تمنيـت
بس ابتسامه تنتشـل قلـب منصـاب
لا اعرف قائلها للاسف
لكن اعرف من اهداها الي وطلب مني ان لا اكتب اسمه
وعندما يقرأها سيعلم اني كنت اريد كتابه اسمه
فتقبل مني تحياتي
[FONT=Times New Roman][/FONT]
