اليوم بقدملكم اضخم مسابقة في منتدى الهنا لهذا الصيف و اللي استغرق التحضير الها اسبوع كامل
مدة المسابقة 40 يوم
الجائزة هي: لقب ملك المسابقات لمدة 3 شهور
فكرة المسابقة:
كل يومين بحط صورتين لاجزاء من غرض معين و بكون حاطت 5 خيارات واحد منهم هو الغرض الصح فلازم تكتب مشاركه اي خيار بمثل الغرض اللي موجود في الصور.... الكل بقدر يشارك و يجاوب... و بس ينتهو هدول اليومين بنجمع كل اللي جاوبو صح و بنعطيهم 10 نقاط و طبعا ما بحكي الجواب الصحيح الا بعد انقضاء اليومين تاعون الصورة و بحطلكم صورة للغرض كامل.... عدد الاغراض اللي راح تحزروها هي 20 غرض "غرض واحد كل يومين"... اول 15 غرض راح يكون معاهم خيارات و آخر 5 اغراض راح يكونو من دون خيارات عشان يكون التنافس قوي في النهاية... كيف راح نحدد الفائز؟ راح ناخد اعلى 5 متسابقين جمعو نقاط و الادمن هو اللي راح يعمل السحب مين اللي باخد لقب ملك المسابقات بس ليش قررنا هيك؟ لانه ممكن يكون في متسابق بارز و تصير في فجوه بينه و بين المركز التاني و عشان الكل ياخد فرصته... طبعا ممنوع اي عضو انه يكتب اكتر من جواب
طبعا هدا بعني انه ما في حكم ولا في تصويت ولا نومينيز ولا في شروط للتصويت بس في شروط للاشتراك و هي:
1- عدد المشاركات يكون 200 على الاقل
2- عمره في المنتدى شهرين على الاقل
[/SIZE]
راح احطلكم مثال على صور لغرض و كيف راح تكون المسابقة:
الخيارات هي:
1-شفرة حلاقه
2- فرشاة شعر
3- فرشاة اسنان
4- قلم حبر
5- تلفون
بعطيكم يومين على هاي الصورة و بتبلشو تجاوبو... كل واحد يكتب رد شو هو الجواب الصحيح من بين هدول الخيارات ال 5 و ممنوع اكتر من رد لانه ما راح ينحسب جوابه بعدين... و بعد نهاية اليومين بحط الجواب الصح و مرفق معه صورة الغرض و بكتب اسماء الاعضاء اللي جاوبو صح... كالتالي:
3- فرشاة اسنان
اللي جاوبو صح هما: حسنين، كيمو، جمعه، كساندرا، هودي....الخ "طبعا الاسماء وهميه بس للتوضيح"
تبدا المسابقة يوم 23-7-2007
و السحب راح يكون يوم 1-9-2007 و اللي راح يعمل السحب زي ما قلتلكم هو الادمن
ان شاء الله تكون المسابقة عجبتكم و ارجو الالتزام بشروط الاشتراك و الهدف من هاي الشروط عشان نحفظ حقكم قد ما نقدر"
[SIZE=3]ان شاء الله اول غرض راح نحطه يوم الاتنين 23-7-2007 الساعه 12:00 صباحا "منتصف الليل"
بنشوفكم وقتها و ان شاء الله تستمتعو معانا و بالتوفيق للجميع
