اخواني واخواتي اضع بين ايديكم وعلي ماسامعكم هذه القصيده المتواضعه . أتمنا ان تحوز علي رضاكم
لابوك حب مايجـي فيـه تقديـر
ولا بو غرام ينتهي فـي ثوانـي
عليت شانك لين حـد المشاهيـر
لين اصبح اسمك بين قاصي وداني
لاتحسبني بنكـر الحـب تنكيـر
اغليت حبك لين عشقـك خذانـي
والحب مثل النفط يحتاج تكريـر
لابد يصفي من شوايـب زمانـي
حبك خيانه مايبـي فـك تشفيـر
خنت الامانه والعهـد يـا أنانـي
اسقيتني مـرك بشيـن التدابيـر
اكبر مصيبه تنكتب فـي كيانـي
لاتذرف الدمعه علشـان تبريـر
اقُسـم بربـي ماتثنـى بثـانـي
حل الفراق وموقعك جمـة البيـر
لا عاد ترجي حـب ولا حنانـي
ياصاحبي روّح ودور على الغيـر
ارحل ودور في ضياعـك امانـي
لكن خذها كاش مـن دون تفكيـر
لا بو غرامك دام ينـزل طمانـي
لكن ببقي في شموخي كما الزيـر
ماهزني ريح الزمن لو عصانـي
