فلسطين عربية
فلسطيني ممنوع تعيش
قالولك أسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
***
فلسطيني ممنوع تثور
و مش مسموح تكون مقهور
إياك تطالب بحقك
أوعك بيوم تشوف النور
***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
***
فلسطيني بكل المطارات
إسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب أو بدون ذنوب
و يتوجه إلك إتهامات
إنك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل أزمات الشعوب
و كإنو بسببك مجرم فات
على جنين بلحظه الغروب
و ذبح صبيان و بنات
و عجز على أمرها مغلوب
***
مع إنو الحقيقه
أنا إلي بالدنيا ضحيه
عملتوني ماده للغنى
و قضية للي ما عندو قضيه
أنا إلي راسي ما إنحنى
بوجه الريح القويه
أنا إلي شعبي صمد
في الضفه و بالرشيديه
أنا إلي شعبي إنتفض
و بحجر حارب دوريه
و اليوم و بكره و للأبد
عنا كلمه وحده هي
***
فلسطين عربيه
و راح تبقي عربيه
و راح ترجع عربيه
