لندخل ونتحاور حول ((((اضراب المعلمين))))

ومن المتضرر؟؟؟؟؟؟؟
الطلاب اكيد احنا اللي رح ناكلها وخصوصا التوجيهي
شكرا لطرحك لهيك موضوع مهم

اكيد ما حدا رح يخسر غير المعلم والموظف
الطلاب رح يتعوضوا
يعني كم شهر رح يضربوا ؟؟؟
شهر تنين
تلات
وبعدها؟؟؟
بيمددوا المدارس وبيتعوض الطلاب
يعني بدي اسأل رح نخسر من خلال الأضراب اكتر ما خسرنا خلال سنوات الأنتفاضة الي مرت؟؟؟؟
كم مرة سكرت المدارس بقرار عسكري اسرائيلي؟؟؟
اشهر طويلة
كم مرة سكرت المدارس بفعل الأجتياحات ومنع التجول؟؟؟؟
كمان فترات طويلة
وبفعل الحداد والأضراب الشامل
كمان فترات طويلة
واضراب المعلمين للمطالبة بزيادة المعاشات؟؟؟؟
كتير كتير
وهلأ للمطالبة براتب عن 7 شهور صار خيانة
والله كبيرة هاي الكلمة
ومن مين
من ناس هما الي بدو واعلنو الأضرابات بالسابق
انا رأي انو الأضراب اخر وسيلة اتخذها الموظفين
من 7 شهور ما في معاشات وانا متأكد انو اذا صار حل وطبعا هاد مستبعد حاليا رح يكون مش اقل من شهر لحتى يقبض الموظفين
وانا بقول انو الأضراب انجع طريقة للضغط على الرأي العالمي لدخول الأموال للحكومة
وما تظنوا انو نحنا الدولة الوحيدة الي المعلمين بيضربوا فيها بكل العالم بيضربوا
واولهم اسرائيل
من سنتين اضربوا فترة طويلة امتدت عدة اشهر
وما ضربوا وخونوا بعض زي عنا المعلمين والحكومة
ايمتا رح نصير على قد المسؤلية يا عالم

مشكور المبادرة على طرح الموضوع

انا مع الاضراب بس ضد العطلة الطويلة
يعني اكتر من اسبوعين بزودوها

اشكركم جميعا على المشاركه
نعم من حق الموظف اخذ راتبه بالكامل ولاكن انا ضض الاضراب هكذا
في السنوات الماضيه كان هنالك اضرابات وكما قال اخي احمد في كل العالم يحصل اضرابات ولاكن لماذا لم يكن هنالك اضراب جزئي بعد الحصه الثالثه في البدايه كما كان الحال في السنوات الماضيه.
انا لا ادافع عن احد وانا لا اتهم احد ولاكن لا اريد ان تبدا الفتنه (الفتنه نائمه لعن الله من يوقظها)
هنالك اطراف معنيه باقتتال داخلي نسأل الله عز وجل ان يفشل مقاصدهم وان يجمع شعبنا تحت رايه واحده

انا مع المعلمين والموظفين للمطالبه بحقوقهم
اليس للموظف عائله اليس له بيت من اين سيدفع التزاماته وكيف سيقدم خدماته للمجتمع وهو طفران
والحكومه الحاليه ليس لها هم سوى اخذ مواقف سياسيه ولكن على حساب الموظفين
الحكومه التي هي جزء من السلطه جائت نتيجه اتفاق سلام وليس غير ذالك وعليها الالتزام بالاتفاقيات الموقعه لان هناك دولا مانحه ودول داعمه وهي ايضا مشرفه على الاتفاقيات
اما اذا ارادت الحكومه الجهاد فالباب مفتوح ولا يمنعها احد ولكن ليس الجهاد ان نجوع الشعب ونتلاعب بقوته

والله انا رأيي
الاضراب مارح يغير شي في النتيجة

أضربو ولا لأ
نفس الاشي

بالزبط زي ما حكا سبايدر الاضراب عالفاضي
الحكومة ولا عمرها بتعطيهم الرواتب كامل مرة وحدة الا سلف
بس بدهم يدمرونا احنا

انا مع الاضراب بس هيك حرام من اولها
يا سيدي 3 حصص وبكفي

السلام عليكم ورحمة الله وبركاته
اخواني اشكركم على مشاركتكم الرائعه
يبدو ان الامور رح تطور اكثر من مما كنا نتصور
اضراب المعلمين بدأ يأخذ ابعاد جديده او ليست جديده ولكنها (بدأ العب عاى المكشوف)
اتهامات هنا وهناك تصريحات من اشخاص مسؤوله وغير مسؤوله
فما هي النهايه هل هذا ما ينتظره الشعب الفلسطيني من الحكومة (الممثله بالرئيس ورئيس الوزراء) وكذالك منظمة التحرير الفلسطينيه؟؟؟؟؟!!!!!
لماذا كل امور الشعب ومعاناته تتخذ طابع الحرب بين حماس وفتح ثم ينسى موضوع المشكله ونبدأ ننادي بجمع الطرفين واصلاحهم.
هل الخطاب الذي سوف يلقيه رئيس الوزراء يوم الخميس سوف يكون نهاية الفتنه ام انه سوف يكون بدؤها.
نعم لثوابتنا الوطنيه ..... لا وألف لا للقتتال الداخلي

واهم معهم حق عنجد انه كل واحد بوضعهم رح يعمل هيك
بس انا بعرف كتير معلمين ومعلمات مو بحاجة الاضراب يعني معهم يصرفوا
متل هدول حرام يحرمونا نتعلم ليش بحبوا الطمع خلص يشكروا الله اللي هم احسن من غيرهم
وكمان نحنا شو ذنبنا وشو اللي رح يتعوض بكرة رمضان والحصة قصيرة شو بدهم يعوضولنا ليعوضوا
بس الحكومة كمان شو طالع بيدها هيها بتحاول تعمل وتدبر بس كتيييييير عيب انه اللي عم بصير انه ييجو فتحاوية عالمدارس بالاسلحة ويخلوا الكل غصب عنه يضرب
نحنا هيك غصب عنا رح بصير شعب مفكك فوق مهو مفكك واسرائيل ليكها بتزغرد فرحانة وشمتانة فينا ونحنا شو مضربين
الله يفرجها عالكل وانا مع الاضراب بس للي بحاجته

كلكم حكيتو
بس الي باكل العصي مو زي الي بعدها ممكن كل واحد موظف اسالو كيف عايش
واذا برايكم الزنب مو من الحكومه او ما طالع بئيدها اشي فالترحل الحل الوحيد