ســنــــافــــــر الــجــــــامـــعـــــــــــة

هسه الكل بيعرف مين همه سنافر الجامعه ...
وشو المقالب اللي بتنعمل فيهم ...

بدي اخرفكم اكمن سولافة حقيقية صارت مع هالسنافر ....

............................................

سنفور جديد .. اول يوم اله دوام بالجامعه ...
زي اللي عن جد .. راح عالمحاضره قبل نص ساعة ... وقعد باول كرسي ...
اجا الدكتور .. وبعد حفلة التعارف .. بده يبلش المحاضره .. بس مافي طبشور ..
مالقا الا هالسنفور اللي قاعد اول صف ...
طلع الولد من الباب .. وراح عالباب اللي جنبه .. (( ملاحظة: القاعة الها بابين ))
فتح الباب .. "دكتور ممكن تبشوره ..؟؟!!" (( بالتاء .. مش بالطاء ..))
ههااااااا ... ههووووووووهوووو ....خخخخخخخخخخخخخخ ...
والقاعة قلبت من الضحك ...
الاهبل مش انه يقول والله هالزلمه شايفه قبل هالمره ..((قاعد باول كرسي))
سحب حاله وطلع ...
عاد النهفه ..
رجع للباب الاولاني .. ودخل .. " دكتور ... مالقيت تبشوره .."



واحد ثاني ...
زيه ... متحمس من اولها ....
بده يروح عالمكتبه ... ومش عارف وينها ...
شكلها امه دعت لابوه بدل ما تدعيله الصبح ..
الله وقعه مع شلة حفرتليه ... ((ماحدا يسالني شو معناها ..!!))
قالوله المكتبة من هناك .. همه ماكذبوا عليه ..
بس قالوله ... قبل ماتفوت ... لازم تشلح من اجرك .....!!!
وهو سنفور ..!!!



واحد غيره ...
سال عن مبنى من المباني ...
وجماعتنا الله يمسيهم بالخير ...
" بتروح يمين من هناك .. بعدين شمال من وا المبنى هظاك .. وبعدين .. شمين .."
لف الجامعة كلها .. ورجع مكانه ..
همه ماكذبوا عليه ... لانه المبنى كان قدامه ...!!!!



اللي بعده ....
كان عطشان .. وبده يشرب مبه ..
بالجامعة .. ثلاجات الميه .. بتشتغل من تحت لما الواحد يدعس بجره ..
وهو مش عارغ الطبخة ..
لقاه واحد من الخناشير (( كمان مره ... ماحدا يسالني شو معناها . ..!!))
قله: "" حبيبي .. لكل سنه ودفعه .. فيه حنفيه ..
شوووف ... سنه ثالثة .. "" .. مع دعسة اجر خفية من تحت ..
"" شفت كيف اشتغلت ..؟؟!!! ""
المسخمط عند كل حنفية : .. "" سنه اولى .."" .."" سنه اولى .."" .."" سنه اولى .."" ......
الحلو بالموضوع ... انه وحده اشتغلت معه .. الاخ دع "عالدعسة" وهو مامعه خبر ..
"" يلعن ابو التكنولوجيا "" (( مش كلية التكنو ..))