مسابقة......كل يوم سؤال ديني | الصفحة 72

المشاركة الأصلية كتبت بواسطة: نضال متى على الرجل أن يطلق زوجته كُرها؟؟؟؟

كيف خطرت عبالك انها الخلع!!! آه بس بتزبط,,, استيعابي قليل هل ايام انا,,, ساعه و انا افهم السؤال و ما فهمتوو
يللا دكتور حطلنا سؤال و روووح ادرس,,,,

حتى انا مش عارف كيف خطرت ببالي
المهم لقينا الجواب
انا ما عندي سؤال هلء
يا ريت عمو نضال يحط سؤال
بس يكون صعب شوي

وهيني كنت قايم ادرس مع انه عارف حالي رح انام
ههههههههههههه

اوك انا كان قصدي انو يكون سؤال سهل يعني اجابتة مختصره وممكن الشخص ياخدها ويحفظها ك معلومه سريعه
وسهلة وذات مغزي ...لاارغب بالاسترسالات بالاجابات وبعدين ازا حب ببحث بالانترنت او بيقراء عنها كتب.
انا ما كنت حابب انو ينتقل شو بكون مكتوب نقلا وهذا ما اقصده انا بامكاني اطرح سؤال اجابته صفحاااااااات
ولاكن مو هاد الهدف. شو رايكم شباب صبايا. شاركوني الراي انو نسئل اسئلة ذات مغزي سريع واجابه مقتضبه
زرقاء اليمامة ابو شاهين الدكتور الاعضاء جميعا........

دكتور(السؤال بواد وجوابك بواد ) ...يمامة ... سؤالي واضح ومختصر ....وتختصر الاجابة بثلاث نقاط صغيره .. كما اسلف الاخ nice talk
سؤالي هو:-
[I]متى على الرجل أن يطلق زوجته كُرها؟؟؟؟
ولا أقصد هنا الخلع(لان الخلع يأتي من ناحية الزوجه)ولتوضيح السؤال بعيد صغية السؤال:-

يطلق الزوج زوجته دون اعطائها حقوقها(المتأخر والنفقة وما الى ذلك )ويكون تطليقها واجبا وفرضا عليه "حتى وان لم يرغب بتطليقها " لثلاث اسباب ..اذكر/ي تلك الاسباب :-
1-
2-
3-
اظن اكتر من هيك توضيح ما بصير ... وانا قد صغت السؤال بهذه الطريق لانكم متعودين على اسلوب الاسئله في المدرسه والجامعه (((الله يعينكم ويشفيكم من الدراسة يا رب)))

يلا شاطرين جابوا

**عمو نضال (مع اني اصغر منكم كلكم )**

اول شي بخصوص تعليق الأخ nice talk
انا مش شايف غلط اذا جاوبت الجواب بعدين حطيت شوية تفاصيل
ما بعرف هيك بشوف انو تكون المسابقة مليئة بالمعلومات
يعني اي واحد قرأ الجواب وحب يتوسع بلإجابة شوي رح يلاقي بعض التفصيل
يعني انا ما بجيب الحكي كلوووووووو نسخ لانو انا مش عارف الجواب
متل لما جاوبت على سؤال نضال انا حكيت جوابي بعدين حطيت شوية تفاصيل مش أكتر...

هلء نيجي لعمو نضال ( اللي بحكي عن حالو ازغر منا)
انا حسب ما قرأت سؤالك جاوبت
لما انت حكيت كلمة كرهاً
وانا بعرف بالمخالعة انو لما تطلب الزوجة الطلاق بتم الطلاق حتى دون رضى زوجها

بما انه جوابي طلع غلط
فكرت كمان مرة
يمكن اذا زنت الزوجة او ارتدت بصير واجب على الزوج انو يطلقها كرهاً
شو رأيك؟؟؟

وبخصوص صياغة السؤال
من زمااااااااااااااان لما كنت انت بالمدرسة والجامعة كانت هيك صياغة الأسئلة
تعال شوف كيف الأسئلة بتيجيلنا :p

ول وال مالك يا دكتور ... معصب ليه .... وبعدين الشباب شباب القلب يا بنيي ....المهم هيك جوابك صار صح بس ناقص شوي صغيره يلا كمل الجواب انتا ذكرت نقطتين وباقي النقطه التالته ... تِعجب وانتا بتعصب ....حلها واحتلها ... واما بالنسبه للاطاله في الجواب فهاد برجع للاسؤال نفسه يعني اذا الجواب بستدعي الاطاله بالجواب فيجب الاطاله واذا لم يستدعي فيجيب عدم الاطاله
ويلا حط البند التالت وسؤالك في المره

...عمو نضال..

وبعدين يا بنيي شو هاي لما كنت في المدرسه والجامعة من زمااااااااااااااان ...الي بسمعك بقول عمري فوق الستين!!!!!!
وبالنسبة لعزومة القهوه يا بنيي كلكم صحاب محل يعني الي بدو قهوه منكم بفوت على المطبخ وبعمل قهوة بيدوا وبكون احلى من العسل على قلبي ...يعني ما بدك عزومة ... انتا الي بتعزم يا بنيي

يمكن الحاله التالته عند اللعان؟؟؟؟؟
مالك دكتور معصب؟؟!! هو nice talk لسا ما بعرفنا انا شطورين و مجتهدين و منقرأ الاجوبه قبل ما نحطها,,و صح حكيو دائما الاسئله اللي اجوبتها قصيره بتعلق بالعقل اكتر بس كمان الاسئله اللي اجوبتها طويله بتفيد,,,
الله يديم عليك صحتك و شبابك يا عمو,, و ان شاء الله بتصير 90 سنه و لسا قلبك شباب,,,, يللا حد يحط سؤااال,,,

الله يسعد اوقاتكم .. يا رب
الجواب الكامل على سؤالي هو :
1- اذا زنت او اقرت لزوجها بالزنا والعياذ بالله
2- اذا خرجت عن ملة الاسلام
3-اذا ثبت انها على ذمة رجل أخر قبله (على سبيل المثال ان يكون قد اعلنت وفاته وهو حي وما الى ذلك)
أما بالنسبة للعن تكون المرأه بهذه الحالة تحت بند الناشذ وليس المطلقة
وشكرا زرقاء اليمامة على المعلومة الجديدة
مع الاحترام للجميع
...نضال...

سؤال
صحابية قتلت تسعة من جنود الروم في معركة اليرموك ..من هي؟؟؟؟

للأسف,, ما بعرف,,
بس ما شاء الله عنها 9 مره وحده,,
الي رجعه,,,,

اه والله يا يمامة تسعة قتلت وبعامود خيمة تصوري ....مش بمدفع رشاش...
في انتظار الجواب